The Future in Karabakh:
Job Fair for Internally Displaced Persons

24 may 2025-ci il tarixində, Qaçqınların və Məcburi Köçkünlərin İşləri üzrə Dövlət Komitəsinin sifarişi və Accelerated Career Academy-nin tərəfdaşlığı ilə Passage 1901 mərkəzində “Qarabağda Gələcək” adlı yarmarka uğurla təşkil olundu! 🇦🇿

Bu yarmarkanın əsas məqsədi məcburi köçkünlərin sosial və iqtisadi reabilitasiyasını dəstəkləmək, onların peşə bacarıqlarını inkişaf etdirmək və əmək bazarına inteqrasiyasına şərait yaratmaqdı

Tədbirdə Komitənin sədr müavini Fuad Hüseynov, Layihə İdarəetmə qrupunun rəhbəri Kamran Ağaməliyev, Accelerated Career Academy-nin direktoru Samirə Quliyeva və tədbirin media tərəfdaşı olan SOY Production-un rəhbəri Dilarə Əliyeva çıxış edərək iştirakçıları təbrik etdi, onların əldə etdikləri uğurları yüksək qiymətləndirdilər və gələcək fəaliyyətlərində uğurlar arzuladı.

Tədbirin bədii hissəsində xalq artisti Gülyaz Məmmədova və müğənni Nərmin Kərimbəyova öz ifaları ilə tədbirə xüsusi rəng qatdılar. Musiqili çıxışlar ziyarətçilər tərəfindən böyük maraqla qarşılandı.

Qarabağda sabit, dayanıqlı və innovativ gələcəyin qurulmasına doğru atılan bu addım, həm də birliyin və əməkdaşlığın gözəl bir nümunəsi oldu!